Montes Torozos

Montes Torozos Espainiako Valladolid probintziako ipar mendebaldean eta Palentziako hego ekialdean kokatzen den eskualde natural bat da, 800 metro inguruko lautada batek osatzen duena, inguruko bailaretatik 100-120 metro gorago eta 1500 Km² hartzen dituena, 75 km × 20 km inguruko ardatz baten baitan, Pisuerga eta Sequillo ibaietako bailaren artean. Lautada kalkareoa da. Inguruan baino klima gogorragoa du, bereziki haizetsuagoa. Valladolideko 39 herri eta Palentziako 5 herri biltzen dira eskualdean. Historian zehar, populazio eskaseko eskualdea izan da eta maiz bidelapurren ezkutalekua izan da. Cañada Real izeneko abere bide zenbait pasatzen dira bertatik.